On i’ 7th August 1937 , i’ ‘John and Charles Kennedy’ wis launched at i’ Broch Herber. It teen i’ place o i’ auld boat ‘The Lady Rothes’ fit hid been on station fae 1919. ‘The Lady Rothes’ wis gien as a gift tae i’ RNLI bi’ i’ faither o Lady Rothes as a mark o thunks for his dother fa wis among i’ rescued aff i’ Titanic.
I’ launchin o i’ new lifeboat wis met wi muckle anticipation. Iss can be seen fae reports in i’ Press and Journal at i’ time fae February, March an June o 1937, screiven in i’ months afore i’ namin ceremony in Augist. I’ reports show i’ progress i’ new boat as it made its wey up i’ coast tae arrive at i’ Broch herber fur i’ foremaist time.