ENGLISH | DORIC
Haen a lifeboat in i’ toon since 1806, i’ Broch became i’ foremaist airt tae hae a RNLI lifeboat hoosed in Scotland fae 1858. Doon throw i’ rech history o i’ lifeboat service, mony lives hiv been saved throw i’ selfless work o i’ brave members o i’ crew, althow sadly, lives hiv been lost in i’ line o duty.
Doon throw i’ 20th Century, i’ toon his seen hertbrakin tragedies wi members o i’ lifeboat crew bein lost tae i’ sea in 1919, 1953 an 1970. En iss affa times, fowk fae i’ toon cam igither tae grieve, tae pey their respects an tae gae a heist up tae i’ faimilies o i’ men fa lost their lives. I’ century forebye saw i’ launch o new boats an namin ceremonies were teen on fillum, makin lestin tributes tae i’ importance o i’ lifeboat service tae i’ toon at wis sae aften beholden tae i’ dedication an bravery o those fa served.
