I’ Rattray Faimily

A guid puckle o i’ fillums in i’ archive wis teen fae 8 mm fillum teen bi’ George Rattray an i’ Rattray faimily fae i’ Broch. I’ Rattray’s were weel kent in i’ toon for ainen i’ ice cream shoppie an cafe on High Street, fit in i’ hinnermaist en o i’ 1960s wis made intae a casino, bit later shut doon lang syne followin on fae shifts in i’ gamblin regulations. I’ fillums fae i’ Rattray faimily gie a rare peek at i’ Broch as it aince wis.

I fillums were verra kindly gien tae i’ archive bi’ Edith, i’ dochter o Mr an Mrs Rattray. Edith workit in i’ cafe, an ilka summer she workit in i’ faimily’s ice cream vannie, aften seen on i’ links road doon aside i’ beach.