Top
Fraserburgh on Film
Fraserburgh on Film
 

ENGLISH | DORIC

Project Backgrun.

 
 

I’ Broch on fillum is a place tae ingaither fillums an memories o fowk fae i’ nor east airt. It his been made possible bi’ i’ generous help o mony folk fa hiv shared their time an knowledge tae mak i’ project come igither.

I’ overall aim o iss project is tae play a pairt in keeping siccar i’ rich cultural history o the airt an tae mak a place for fowk tae come igither tae share, learn an think aboot i’ past. It is hoped at contributions fae i’ local community will gang on tae mak i’ website grouw as new materials are fun.

 
 

The website wis biggit bi’ Andrew Davidson as a research project daen as pairt o an MSc in Information and Library Studies at Robert Gordon University .

 
 
“Bein born an brocht up in i’ Broch, I hiv aye hid an appreciation o i’ rech heritage an history o i’ Nor East neuk. Iss is sometimes ower lookit an I hope that in makin iss website I can gie back some wey o keepin i’ past tae i’ forefront an gien a heist up tae i’ unique culture o iss airt.

I unnerstan that I hiv only scratched i’ surface o i’ details ahin i’ stories seen here an wid really be affa gratefu fur help fae i’ community tae big i’ website. I’ idea ahin i’ project wis tae mak a space fur i’ community tae be pairt o i’ story so ony contributions ye mak will be greatly appreciated.

I hope you hiv enjoyed usin i’ website jist as muckle as I hiv enjoyed biggin it an lookin in tae these great stories fae i’ Broch an a i’ airts roon aboot.”
— Andrew Davidson
 
 

 Acknowledgements.

 
Sequence 14.00_00_00_00.Still003.jpg
 
 

Iss project wis made possible bi’ i’ help an assistance gien bi’ i’ followin fowk. In gien their time an sharing their materials an knowledge they hiv helped tae bring i’ project fae a wee idea tae a fully fledged archive unique tae i’ Broch an i’ soorundin airts. A i’ help gien his bin gratefully accepted an appreciated.

Jim Taylor, Edith Burrows, Peter Reid, Bridget McCann, John Buick, Fiona Knowles, Bob and Linda Watt, Barbara Buchan, John Tiffany, Jo Muir, Lorna and Gordon Davidson, Billy Watson, Finlay Noble, Carol and George McCann, Elizabeth Busby and aa i’ unique local characters featured in i’ interviews o Jim Taylor fas wirds an lives helped inspire an shape i’ narrative o i’ project.

 
 

Special thunks gang tae Jim Taylor, Edith Burrows, Fraserburgh Heritage Centre an Billy Watson fur providin material for i’ project. Fraserburgh on Film disnae ain i’ richts tae ony o i’ fillums shown here an aa content is under copyright o their respective owners.

 
 

 We need yir help tae grouw i’ archive….

 
title 3 still.jpg
 

Hoo tae tak pairt.

 

We are aye on i’ lookoot fur information fae anybody fa his ony information aboot i’ materials gaithered en i’ site. Mebbe you hiv some mair details aboot an event, hiv memories or photographs you wid like tae share or wid like to get in touch aboot makin a contribution.

Bi’ clickin i’ button aneth, fit kin also be fun throughoot i’ website, ye can get in touch an somebody fae i’ project will get back to ye. We really div appreciate ony help offered an feel it’s important that ye’re involved in bringin i’ unique history of i’ Nor East neuk alive.

We are aye on i’ lookoot fur fillums aboot i’ area to be included in i’ website. If you hiv, or micht ken of somebody fa his, fillums in ony format we wid be fair pleased tae hear fae ye. We can tak fillums in digital formats but kin as weel digitise analogue formats like VHS, 8mm, super 8mm and 16mm. You will keep a i’ richts relating to yer fillums, hud copyright an i’ decisions aboot fit is daen wi i’ material will bide wi you. As a thunks for contributing tae i’ project ye will hiv i’ choice of haen digital copies (burned to DVD) free o charge, nae siller nott, upon i’ digitisation of yer content. If ye think ye hiv onything at wid be o interest, please get in touch bi’ filling out i’ form aneth.